Moch kan Aufstand

Musik: Chefpartie
Text: O. Kurti
1992 auf der LP/CD "A blede Gschicht ..." veröffentlicht.

Es is scho a Zeitl hea, woa im 67a-Joa. I foa in da Tramway, fliagt mi ana au:
"Do schau a Beatle", und zupft mi an de Hoa.
"Mit dera Matrotzn", sogta, "schaust ned aus wia a Mann. Bist woam, oda a Kummerl, oda bist olls zsamm?
Dischkutian und nix hackln, des bringst grod no zsamm."
Ea ratzt mi so lang bis i sog: "Oida, maschia!"
Do reißt ea mia ane und da Waggon applaudiat:

Moch kan Aufstand, drah kan Füm.
Auf soiche wia di woatns eh scho drübn.

No ned so lang hea, woa im 86a-Joa. I foa in da Tramway, hea i wia ana sogt:
"Wannst wos vo mia wüst, dann lern zerscht auf deitsch bitte sogn!"
"In deina Panier", sogta, "schaust aus wia ausn Busch. Und waunn ma wo fremd is, is ma zerscht amoi kusch.
Kassiern und nix hackeln, des kannst daham Knofl-Tschusch!"
So razt ea den andern bis dea frogt: "Bitte was is passiat?"
Do reißt ea eam ane und da Waggon applaudiat:

Moch kan Aufstand, drah kan Füm.
Auf soiche wia di samma nix haaß do herübn.

Es is no ned lang her. I foa grod ham aus Kagran. Steig aus da Tramway, fliagt mi a Billardschedl au:
"Sieg Heil! Kannst ned griaßn? Mia lernan das scho!"
"Bist a reif fias Gas", sogta, "Mit dia waans fria Schlittn gfoan. Der Saustoi gheat ausgmist no vua d´näxtn Wahln.
Packln mit de Kanaken. Des kannst da dann maln!"
Er is auf amoi zu 7t, wia i sog: "Burli kumm, geh ham!"
I siech d´Leit olle wegschaun und füh mi ganz schee allaa:

Moch kan Aufstand, drah kan Füm.
Weu soiche wia du solltn se ned z´vü spün.

e-mail

[ KURT OSTBAHN / WILLI RESETARITS / GÜNTER BRÖDL / SCHMETTERLINGE / WELTORCHESTER ]
[ Platten / Konzerte / Songtexte / Mitmusiker / Gschichtln / Credits / Links ]