I bin auße ausn Bett, bin auße vua de Tia.
Hob ned pockt wos i do siech.
De Catapilla ham ois niedagmocht.
Ois wos zöht hod fia mi.
Hob no ned gwußt,
daß an des öfta gschiacht.

Im Urwoid wochsn heite Häusa.
Wea domois kauft hod dea is heit Kaisa.
Und en Wossa hams es Wüüde obagramt.
Des rinnt unta da Erd wos niemand steat.
Mi hams valegt in an Urwoid wo nua wea
ned auffoit mithoit.
Do woan ned vü de gsogt ham:
Oba ned mit mia!
I hob boid gwußt do bin i foisch.
Hob meine Zeignis gnumma und vabrennt.
Ka Hirn, hams gsogt, kan Funkn Vastaund.
Oba i renn liaba geng vasperrte Tian,
ois i steh do mitn Ruckn an da Waund.
Mia woan fria guade Freind.
Und wia san ma heit beinaund?

Se ham a poa offane Tian eigrennt,
se rosch ins Aufgebn eigwöhnt.
Nix mea wos wirklich woin,
nix fia des se des Suachn lohnt.
Jetzt hams de Schuidn und de Firma,
in 15 Joa fressens de Wiama.
Und kurz vuan Schlagl gspia ma:
Des is gwesn? Des woa ois?
Mia woa kloa: des pockst ka Joa,
des is ned dei Revier.
Ned fia vü Göd auf da Wöd

Vua ana Ewichkeit,
Mia kummt vua ois warats heit,
hams wos im Radio dazöht:
Es woa de Gschicht von ana neichn Wöd.
Von an Land mit 1000 Liada.
Duat san olle nua Schwestan und Briada.
Duat wochst de Liebe bis in Himme,
olle san duat Schefs oda a Star.
Heit pfeift da Eiswind um de Eckn.
Es letzte Wuat ham de größtn Deppn.
Und im Hotel »Zum müden Wanderer«
hängan de Freind von fria in da Fettn an da Bar.
Oba i kehr do sicha nimma ei,
i hob wos Bessas vua.
Weu des kost nua Zeit und i hobs no weit.
Erscht waunn da letzte Catapilla am Bugl liegt
wia a tota Sauria in da Sunn.
Daunn waaß i es woa de Wegzeit wert.
Und es woa ned umasunst.