Nimma lang und i bin in jeden drittn Haushalt.
De Frau wos schaut auf mi sogt: "Du wirstas no erlebn."
Auf da Stroßn reißts de Leit, dann san sa se ganz sicher:
"Se san da Dings, nau höfns ma, und neilich woans im Fernsehn."
Mit ihr kumm i in jede Bar ohne an Kreuzer in da Toschn.
Und es gibt Schaumwein do auf Haus fia de Partie und mi.
Mei Büdl in da Putzerei hängt seit heit hinta da Kassa –
Do san da Karl Schranz, Mariazell, da Heesters und jetzt i.

Ganz unter uns, i sogs wias is: I wolltat nia wos anders.
Imma in Funk und Fernsehn sei, auf Poster, Büdl und Elpi.
Wollt imma scho, daß ma mi kennt und daß olle wissen:
"Se san da Dings, der ausn Fernsehn, da Dings ausn Tiwi."

Mei Gspusi wos den Durchblick hot, oba imma eintunkt bei de Soli,
hod ma grod ins Ohr gehaucht wos jetztn angsogt wa:
I sing scho vü z´lang üba mi, i soit jetzt wos valosn.
A Brilln, an Schal, mei guade Haut, des mocht a jeder Star.
I hätt a super Angebot, nehmts an Zettl und an Bleistift.
I gib eich jetztn mei Adress, sammas? Here we go ...
Anan Dings, Postfach 870, 1150 Wien
Do gibt’s a Büdl wia in da Putzerei, schwarzweiß
und geng Aufpreis dazua a echtes Autogramm mit an speziellen
"Da Dings woa do."