Die Meisten ham an Herrgott, oba du host ned amoi an Plan.
Woast ganz lang ganz weit fuat und jetzt wüst wieda ham.
Oba du waaßt ned zu wem und du waaßt ned wohin,
und wer di no dakannt und obs wo gwart harn auf di.
Und dann liegst do und drahst des Liacht wieda an,
raukst da no an Tschik an und fühlst de ganz schee allaa.

Muagn hockst dann mit an Bier an da Bar und host vua dia des Telefon.
Du wöhst de oidn Nummern, oba kana geht dran.
Überall rennt des Bandl und sogt: Kana daham.
Du host do amoi Freind ghobt und waaßt nimma wos san.
Und dann huckst do und ruafst nirgends mehr an.
Du bist fremd do und fühlst de ganz schee allaa.

Dann triffst die Frau von fria und sie is schwa im Stress.
Du fangst an zum Frogn, do sogts: "Oida, sei ma ned bes ..."
Dann sogts: "Und wia gehts da sunst? Gehts da sunst eh guad?"
Du zahlst no gach a Runde und dann is a scho fuat.

Und du huckst do und tuast ois wia wann nix wa,
zündst da an Tschik an und fühlst de ganz schee allaa.