Nimma schnö gnua

Musik: K. Trabitsch
Text: G. Brödl
1997 auf der CD "Reserviert fia zwa" veröffentlicht

Dei Jean is vom Diseina, mit de Bock kennat andare fliagn,
oba du gehst jetzt boid am 50a und muaßt noch jeda Stiagn pausiern.
Du kennst de Hockn wia ka zweita und manst, a jeda kriagt sei zweite Chance.
Du sogst, des Singa mocht de jünga und es is ois im Lebn wost kannst.
Oba des Gschäft is nimma so wia fria, und du bist no vom oidn Schlog,
plogst de o fia z´wenig Gerschtl und glaubst, es kummt no amoi dei Tog.

Fias schnölle Göd bist NIMMA SCHNÖ GNUA,
fias große Glück woast oiweu z´klaa,
du host es ned darennt, du host es ned daklengt,
und jetzt san längst de Näxtn dran.

Wannst heit a Nocht lang durchmochst bist drauf a Wochn lang marod.
Und wann de die jüngern damit höscherln dasaufst dein Blues in Cola rot.
Rennt a Trend rennst hinten noche, und wannst eam einholst is scho z´spät.
Du woast a halbs Joa lang da Kaiser, glaubst seit 30 Joa, daß no amoi geht.

Oba fias schnölle Göd bist NIMMA SCHNÖ GNUA,
fias große Glück woast oiweu z´klaa,
du host es ned darennt, du host es ned daklengt,
und jetzt san längst de Näxtn dran.

e-mail

[ KURT OSTBAHN / WILLI RESETARITS / GÜNTER BRÖDL / SCHMETTERLINGE / WELTORCHESTER ]
[ Platten / Konzerte / Songtexte / Mitmusiker / Gschichtln / Credits / Links ]