Dea is fost so grau ois wiastas du im Gsicht bist
und ea is onduliat wia frisch vom Frisea.
Und du bist blond, sowos von blond, daß des a Gfoa is,
oba des is gfrogt sogst - in da Hockn - und de is schwea.

Du host amoi an Mann ghobt,
heit host gelegentlich an Herrn.
Bist vü z´lang auf eam gstandn und
jetzt stehst am Praterstern.

Jede Nocht de söbe oide Leia.
Ned vü Vakehr weu de Zeitn san vuabei.
Z´vü Zeit zum Denkn und do kummt ma auf Gedankn,
oba des gibt se nochn viatn Ochtl Wein.

Du host amoi an Mann ghobt,
heit host gelegentlich an Herrn.
Bist vü z´lang auf eam gstandn und
jetzt stehst am Praterstern.

Im Cafe gibts zua Melange den ´Apache´.
Des erinnat di an dein Buam, sogst, und dea is im Heim.
Des dazöhst seit 15 Joa, oba kan follats ei di do zu stean,
weu du bist da Stern vom Praterstern.