Da Quöla

Musik: Loudon Wainwright III
Text: O. Kurti
1994 auf der Maxi-CD "Erschte Klass" veröffentlicht.
2002 auf der CD "Kurtiositäten" veröffentlicht.

Da Quöla quöt, wannst es erste Liad anreißt.
Sei größte Freid is, wannst die Nummer schmeißt.
Er applaudiert, wann wem a Saten reißt.
Des is a Heckel und da Quöla gfreit si.

Vielleicht is er im Öl, vielleicht is er a nur stoned.
I glaub des quön, des is sei Profession.
Er is afoch a Profi im Owetrogn,
so quön kann ned a jeder!

Er föht in kana Stodt, bei kana Show.
Kaum geht des Saallicht aus, do heast eam scho.
I glaub, privat is er jo ned aso,
owa in da Hockn, do kann er di heckeln, er kann di quön.

Wannst eam dann siechst, dann pockstas ned,
wira in da Gadrob so vua dir steht.
Si brav entschudigt und brav wieder geht.
Mister Hyde und Doctor Jekyll - a botzn Heckel.

Da Quöla quöt, wannst du a Liad aureißt.
Er wort nur drauf, daß du die Nummer schmeißt.
Er hot nur a Zü: daß du durt obn a Pretzn reißt.
Er is da Quöla - und des is sei Föhla!

e-mail

[ KURT OSTBAHN / WILLI RESETARITS / GÜNTER BRÖDL / SCHMETTERLINGE / WELTORCHESTER ]
[ Platten / Konzerte / Songtexte / Mitmusiker / Gschichtln / Credits / Links ]