So gern, so vü

Musik: Erich Buchebner
Text: G. Brödl/Birgit Denk
1999 auf der CD "50" veröffentlicht.

I waa so gern a Ringlgspü, wos da Tog und Nocht den Kopf vadraht.
I waa a gern a Rutschpartie, wos di oiweu zu mia zuwewaht.
Waa gern a Art Kosmonaut, wos se von tiaf in dia drin de Wööd anschaut.

Rap:
Des glaub i da eh, des glaub i da eh.

I waa gern dei Rotes Kreuz, a jeds Moi wannst a Bretzn reißt.
I waa a gern dei erschta Preis in an Quiz des wost nua Du okneißt.
I waa gern a Art Astronaut, dea se von ganz weit weg mit dia de Wööd anschaut.

I waa SO GERN SO VÜ.
I waa SO GERN SO VÜ fia di.
I waa SO GERN SO VÜ fia di.

Rap:
Jetzt hea scho auf, leg a neiche Plottn auf.
Kumm zruck am Bodn Herr Astronaut, bevuas di auf di Goschn haut,
weu i waaß, du kniast jo eh und imma scho vua mia.
I waa so gern dei Lieblingsgspü, des von demst ned gnua kriagn kannst.
I waa a gern dei Lieblingsliad, zu demst de ganze Nocht durchtanzt.
I waa gern dei Lieblingsgschicht, ohne dest ned schlofn kannst.

I waa SO GERN SO VÜ.
I waa SO GERN SO VÜ fia di.
I waa SO GERN SO VÜ fia di.

Rap:
Es is scho zum Waana, des glaub i da eh,
daßd 10 000 Sochn draufhost und a poa Schmäh.
Normal tat i lochn, nua do tat i da weh.
Huachst da söwa so gern zua, i nämlich ned.
Mi loß in Ruah großa Poet.
Raunzt, du waast gern ois fia mi, oba dazöh kann ma recht vü.
Host ned kapiert um wos ma geht?
Fia mei Gfühl und des man i, bitte goaschee, quöst mi z´vü.
Host ka Ahnung wos i wü, doch gib ned auf,
und suach da ane, die steht auf deine Suderein und di.

I waa a gern dei Lieblingsfilm, bei demst vuam Happyend ganz vü waanst

I waa SO GERN SO VÜ.
I waa SO GERN SO VÜ fia di.
I waa SO GERN SO VÜ fia di.

Rap:
Des glaub i da eh,
daßd 10 000 Sochn draufhost und a poa Schmäh.
Des glaub i da eh, des glaub i da eh, .....
Do follt ma ei i muaß geh!

e-mail

[ KURT OSTBAHN / WILLI RESETARITS / GÜNTER BRÖDL / SCHMETTERLINGE / WELTORCHESTER ]
[ Platten / Konzerte / Songtexte / Mitmusiker / Gschichtln / Credits / Links ]