Es schaut gaunz schlecht aus daß i do wegkumm, oba i siach guad am Friedhof glei nebn de Gleis.
Zug kummt do kana und mei Wogn liegt in da Werkstott und en Schef homs heit eigrobn grod wia mia z´Fleiß.
Irgendwia hod do kana an Namen und hoda an daunn is a ned echt.
Und olle do ham Angst wia fria. I zöh de Kreuz und i denk ma: mit Recht.

Wos do so rennt kenn i nua ausn Kino. Wia des ausgeht hob i oft gnua gsehn.
So Leit wia i rennan leicht wem ins Messa, oda kriagn sunst a gröberes Problem.
Drum sauf i no an Tequila Sunrise - bevua da näxte umasteht.
No an Tequila Sunrise - bevua des letzte Moi de Sunn aufgeht.

Mi tuat jo a jeda do gostfreindlich griaßn. Locht mit vü Goidzähnt und maant wia mei Wirt:
"Ich nix vastehn und ich leida auch nix wissen." Vasteh tua i a nix oba i waaß wos do jede Nocht passiert.
No ana redt nix mea und tuat gaunz vü bliatn, weu se de Kugel von an Profi selten irrt.
No ana beißt in Sand vaschluckt dabei sei Zungan, weu do von wem sehr gründlich goabeit wird.

Wos do so rennt kenn i ausn Kino. Nua duat is ollas ned so echt.
So Leit wia i findn se Freind und Helfer, oba do fiacht i kummans nimma zrecht.

De Nocht is zaach und wü afoch ned aufhean. Mit ihr a Hitz mit ihrn gaunzn Gschraa.
I wü ois nua trama: bin do nua durchgfoan, hob do kan Duascht kriagt und da Tank woa ned laa.
I lieg do und schwitz, schwitz ned nua wegn da Hitz do. Hea de Rotzn in de Wänd. Es gibt sunst kane Gäst.
Daschlog de Fliagn do, de wos groß wean wia Spatzn und woat drauf daß da Füm reißt, weu des dasporat man Rest.