Das wahre Alter des Kurt Ostbahn

1998 in Wiener Neustadt erzählt

Ostbahn grüßt die Südbahn.
Es is a schrecklicher Fauxpas passiert, dadurch daß jemand g'sagt hod, daß i so oid bin wia die Wiener Neustädter Nochrichten, kann ma sie natialich an die 5 Finger ausrechnen, wie alt ich bin. Ein Geheimnis, des hod jo zu die größten Geheimnisse jahrelang g'hört. Verschiedene Sochn, zum Beispü, die verschiedenen Schätze, wos woarn vom Attila dem Hunnenkönig, wo dea eingrob'n hod. Ans da großen Geheimnisse - oda wia oid i bin, und no a Poa andere. Des mit'n Attila sein Gerschtl waaß ma bis heite ned, oba des andere is jetzt leida, leida, leida - wos soll ma mochn.
Dadurch oba, daß i nimma jung bin, gibts die Möglichkeit, daß i eich des dazöh, wia des seinerzeit woa noch'n Kriag. Es woa jo nix do, mia ham jo nix g'hobt. Im Winter minus 20 Grad, im Freien hamma sie treffen miaßn. Mia ham ja g'wohnt zu siemt auf Zimma Kuchl. Beim Schmusen samma mit die Rotzglöckerln z'sammgfruan - so woa des. Paaßt's auf:

Frog ned wos muagn is