Wie da Favorit'n Blues erfunden wurde
(Die Essenz der Geschichte in Kurzform)
1993 erzählt
Des is jetzt boid 28 Joa hea, mia san g'sessen im Kabinett vom Karasek-Fredl spün den
langsamen, wirklichen, echten, oidn, amerikanischen Blues. Es woa kurz noch'n Ess'n,
Wuaschtknedln hot's geb'n und die Karasek-Mutti, hot unterdeß in da Kuchl - wea's kennt,
die Heata, a bißl mollig oba a fesche Gredl - hot in da Kuchl og'woschn. Da Fredl woas
gwehnt, ea ruaft auße, weu die Heata is eh in da Kuchl, und do is eh wuascht. Ea hod imma
g'ruafn "Heata!" und sie hod via Bia brocht. No, und weu möglichaweise die
Wuaschtknedln übawürzt woarn, hamma glei amoi beim dritten Chorus vom ersten langsamen
Blues scho so a pözige Pappm g'hobt. Und ea sogt "Heata!" und es is nix. Die
Heata hod so schlampat og'woschn, daß glei fertig woa und dann woas draußn, scho
tratschn mit de Nochbarinnen. Jedoch sie konnte nicht hören als der Fredl - da King, da
Voda von eam, da Alfred - "Heata!" rief. No, mia spün weida den langsamen
Blues. A bißl a pözige Pappm hamma scho g'habt, ich will es nicht verhehlen. Und ea
sogt, "Heata! Heata!" Jetzt ham mia glaubt, daß eam da langsame, echte, oide,
amerikanische, schwarze Blues von uns zu weich gespielt erscheint, nau hamma a bißl
audruckt. Ea hod des oba ned begriffen weu ea hod nua glaubt, daß uns de Heata via Bia
bringan soi. Nau und zurnig is ea a scho g'wesn. Do schreit a: "Hearta! Hearta!"
und mia ham auf amoi g'schwaaßt wia de Blödn, so hoat wia ma no nie im Lebn g'spüt ham.
Und so hamma den Favorit'n Blues erfunden. Und so klingt'a, meine Damen und Herrn!
Kumm ham
Und mit einer kleinen Verzögerung von 2 - 3 Jahren fanden sich auch in
Amerika und England die ersten jungen Gruppen und Sänger, die die neue Musik des
Favorit'n'Blues nachzuspielen versuchten. Da all diese Menschen aber nicht aus Simmering
stammten und daher des Wienerischen nicht mächtig waren, spielten sie eine
englischsprachige Variante, die sie Rhythm & Blues nannten.
Ein kleiner  und schon kann man sehen, wer
aller vom Ostbahn-Kurti nachhaltig beeinflußt wurde.
© 1993 Kurt Ostbahn |
